Дунёда

Ўзбек тўқимачилик маҳсулотларига Шарқий Сибирда талаб катта

Ўзбек тўқимачилик маҳсулотларига Шарқий Сибирда талаб катта

Ўзбекистон маҳсулотлари учун савдо-логистика марказларини яратиш бўйича янги лойиҳа Иркутск вилояти ҳукумати томонидан ишлаб чиқилмоқда.

Иркутск вилояти Иқтисодий ривожланиш ва саноат вазири ўринбосари Марина Петрованинг сўзларига кўра, минтақа аҳолиси орасида озиқ-овқат маҳсулотлари ва халқ истеъмоли товарлари, айниқса тўқимачилик маҳсулотлари катта талабга эга. Шу муносабат билан Иркутскда савдо-логистика марказларини ташкил этиш масаласи кўриб чиқилмоқда.

Бундай марказларнинг яратилиши икки томонлама фойда келтириши кутилмоқда: бир томондан, ўзбек ишлаб чиқарувчилари учун янги экспорт йўллари очилади, иккинчи томондан, Иркутскдаги талаб ошиши савдо ва иқтисодий алоқаларнинг ривожланишига хизмат қилади.

2025-йил апрель ойи бошларига келиб, Ўзбекистон ва Россия ўртасидаги савдо ҳажми 2,8 миллиард доллардан ошди. Бу эса икки давлат ўртасидаги иқтисодий ҳамкорликни мустаҳкамлашга хизмат қилмоқда.

Батафсил ўқиш Ғузорда ҳосилдорликни оширишга қаратилган пахта лойиҳаси