Пахта-тўқимачилик корхоналари учун кредит имтиёзлари кенгайтирилди

Ўзбекистонда 2026 йил ҳосилидан бошлаб пахта ва буғдой етиштирувчилар учун янги молиявий қўллаб-қувватлаш чоралари жорий этилмоқда. Ушбу ташаббуслар фермерлар юкини камайтириш, кластер ва корхоналарни қўллаб-қувватлаш ҳамда пахтадан тайёр маҳсулотгача бўлган занжирни ривожлантириш мақсадида ишлаб чиқилган.
🌾 Фермерлар учун:
• Кредит ўз вақтида қайтарилса — 2,5% гача компенсация
• Йил охиригача (31-декабр) ёпилса — 5% гача компенсация
🏭 Пахта-тўқимачилик корхоналари учун:
• Тижорат кредитлари бўйича фоизларнинг 8% дан ошган қисми қопланади
• Максимал компенсация — 16% гача
• Шарт: кредит маблағлари пахта хомашёсини харид қилишга йўналтирилган бўлиши керак
⛽️ Ёқилғи бўйича қўллаб-қувватлаш:
• Дизел нархи 13 млн сўм/тоннадан ошган қисми учун компенсация
• Ҳар тонна учун максимал — 2 млн сўм
• Амал қилиш муддати: 1-апрел – 1-июль 2026 йил
Мазкур чоралар нафақат фермер ва тадбиркорларни қўллаб-қувватлайди, балки бутун пахта саноатининг самарадорлигини оширишга хизмат қилади.
