ДунёдаЎзбекистон

Францияда ўзбек ҳунармандчилиги маҳсулотлари савдо уйи очилди

Францияда ўзбек ҳунармандчилиги маҳсулотлари савдо уйи очилди

Ўзбек брендларини Европа бозорига олиб чиқиш йўлида яна бир муҳим қадам ташланди — “Дунё” АА хабар беришича, Францияда “Маде ин Узбекистан” бренди остида ўзбек ҳунармандчилиги маҳсулотлари савдо уйи фаолиятини бошлади. Лойиҳа Ўзбекистон элчихонаси, Фуқаролик жамияти институтларини қўллаб-қувватлаш жамоат фонди ва “Тадбиркор аёл” халқаро ишбилармон аёллар ассоциацияси ҳамкорлигида амалга оширилди.

Янги савдо майдонида хотин-қизлар ва ногиронлиги бўлган шахслар томонидан тайёрланган миллий ҳунармандчилик маҳсулотлари тақдим этилади. Лойиҳанинг асосий мақсади — Францияда ўзбек маҳсулотларини кенг танитиш, янги ҳамкорлик алоқаларини йўлга қўйиш ва маданий мулоқотни мустаҳкамлашдан иборат.

Мазкур ташаббус ўзбек брендларининг Европа бозоридаги мавқеини кучайтириш ва экспорт салоҳиятини янада оширишга хизмат қилади.

Батафсил ўқиш Ипакчиликни ривожлантириш бўйича янги стратегия