Ўзбекистон — Финляндия: ҳамкорликнинг янги уфқлари

Ўзбекистон Ташқи ишлар вазири Бахтиёр Саидов Хельсинкига ташриф буюриб, у ерда Финляндия президенти Александр Стубб ҳамда ташқи ишлар вазири Элина Валтонен билан учрашди.
Ташрифнинг асосий натижалари:
- Шимолий инвестиция банки (НИБ) билан музокаралар — “яшил” энергетика ва инфратузилма лойиҳаларини молиялаштириш масалалари муҳокама қилинди.
- Бизнес мулоқоти — 30 та фин компанияси (Нокиа, Wärtsilä ва бошқалар) билан учрашув ўтказилди. Асосий йўналишлар: энергетика, ИТ, тоғ-кон саноати ва машинасозлик.
- Логистика — Финляндия Ўзбекистонга ўз портлари орқали Шимолий Европа бозорларига чиқиш имконини таклиф қилмоқда. Бу жанубий йўналишларга муқобил вариант сифатида кўрилмоқда.
- Савдо айланмаси сўнгги 5 йилда уч баробар ошиб, 152 млн долларга етди. 2025 йилда экспорт 56% га, импорт эса 220% га ўсди.
- Ўзбекистон экспорт салоҳияти — тўқимачилик маҳсулотлари, мева-сабзавотлар, ёнғоқлар, пойабзал, чарм ва мис етказиб бериш имконияти мавжуд.
Асосий талаблар: Европа Иттифоқи стандартларига мос сертификатлаш ва етказиб бериш барқарорлиги.
Финляндия — Ўзбекистон бизнеси учун Шимолий Европага очиладиган ҳақиқий дарвоза ҳисобланади.
