“Рунамтекс” маҳсулотлари Европа давлатларига экспорт қилинади

Наманган вилоятидаги “Рунамтекс” корхонаси икки ойда $3 миллионлик трикотаж маҳсулотни экспорт қилди.
Тўрақўрғон туманидаги “Ёшлар” кичик саноат зонасида жойлашган ушбу корхона бир гектар майдонни эгаллаб, йилига 1 млн. 200 минг тонна трикотаж маҳсулотлари ишлаб чиқаради. Шунингдек, 700 та иш ўрни яратилган.
Таъкидлаш керакки, бу маҳсулотлар Европа давлатларига экспорт қилинади. Ва жорий йилнинг икки ойида 3 миллион АҚШ долларлик экспорт амалга оширилди.
“Рунамтекс” МЧЖнинг иккинчи корхонасига 2 миллион доллар хорижий сармоя киритилди ва 8 минг тонна трикотаж маҳсулотлари ишлаб чиқарилади. Шунингдек, 200 та янги иш ўрни яратилди.
