Фарғона — немис компаниялари учун техник махсус кийимлар ишлаб чиқарувчи марказ сифатида кўрилмоқда

Ўзбекистоннинг Фарғона вилояти Германия билан саноат ҳамкорлигини мустаҳкамлаб, мамлакатимизни Европага мўлжалланган шахсий ҳимоя воситалари (ШҲВ) ва профессионал кийимлар учун муҳим ишлаб чиқариш базаси сифатида илгари сурмоқда.
Вилоят ҳокими Ҳайрулло Бозоров бошчилигидаги делегация Германияда қатор етакчи компаниялар билан музокаралар олиб борди:
Европанинг энг йирик махсус кийим ва ШҲВ ишлаб чиқарувчиси Энгелберт Страусс билан Фарғонада қўшма корхона ташкил этиш масаласи муҳокама қилинди.
Тиббиёт, HoReCa (меҳмонхона, ресторан ва кейтеринг), логистика соҳалари учун профессионал кийим ишлаб чиқарувчи Weitblick компанияси билан ишлаб чиқариш қувватларини Ўзбекистонда жойлаштириш ва маҳсулотларни Европа Иттифоқига экспорт қилиш имкониятлари кўриб чиқилди.
Маълумки, Weitblick маҳсулотлари Австрия, Нидерландия, Чехия ва Польшага етказиб берилади. Компаниянинг Ўзбекистонда ишлаб чиқаришни йўлга қўйиши унинг Европадаги иштироқини янада кучайтиради.
