Дунёда

Келажак технологияси: Олимлар банан чиқиндисидан париклар ва кийим ишлаб чиқармоқда

Келажак технологияси: Олимлар банан чиқиндисидан париклар ва кийим ишлаб чиқармоқда

Тасаввур қилинг — сочингиз ёки кўйлагингиз банандан ясалган. Фақат мевасидан эмас, балки поясидан!

Угандадаги Буситема университети олимлари банан плантацияларидаги чиқиндиларни — яъни псевдо-пояларни — тўқимачилик маҳсулотлари, парик ва гигиеник воситаларга айлантирувчи инновацион технологияни ишлаб чиқишди.

Авваллари шунчаки чиришга ташлаб юборадиган банан пояси энди қайта ишланмоқда: унинг толалари юмшатилиб, калава ип ҳолатига келтирилади. Айниқса, Кайинжа навининг толалари — ялтироқ, мустаҳкам ва тўқимачилик учун айнан мос келди.

Лойиҳа раҳбари Эдвин Камалья буни шундай изоҳлади:

Бу — инқилоб. Биз чиқиндиларни даромадга айлантиряпмиз ва дунёга пахтага экологик муқобил таклиф қиляпмиз.

Аммо ҳозирча лойиҳа тўлиқ ривожланаётгани йўқ — бунга биотехнологиялар бўйича қонунларнинг йўқлиги ва банан толаси учун халқаро савдо индекси мавжуд эмаслиги тўсқинлик қилмоқда.

Шунга қарамай, бу инновацион ёндашув келажакда тўқимачилик саноатида муҳим бурилиш ясаши мумкин.

Батафсил ўқиш Россияда ҳам кийим-кечак ишлаб чиқариш ҳажмининг камайиши кузатилмоқда